ياتري هتعمل ايه فالاجازه؟؟

[size=24][color=blue][cen

فعلا الدراسه كانت صعبه جدا ومن الضرورى انا ناخذ قسط كافى من الراحه حتى نستعيد قوتنا قبل الامتحانات ونستعد للسنه الجديده

كلام كويس

انا بقى ناوى اشوف نفسى
انا هدلع هدلع وهدلع
بس لازم امارس هوايتى المفضله زى كل سنه
هروح أتدرب فى صيدليه ان شاء الله

الحمد لله اننا خلصنا امتحانات وان شاء الله تكون النتيجه كويسه
انا بقى هقضى الصيف بممارسه هوايتى المفضله وهى القراءة ده غير المنتدى طبعا
وان شاء الله تكون اجازة سعيده

أولا السلام عليكم ورحمة الله وبركاته
انا كعادتي السنويه ناوي اقضيها نوم وراحه اصل النوم ده احسن حاجه في الدنيا كفايه صحيان وفوقان طول السنه وادعو لنا النتيجه تعدي على خير

انا عن نفسي عاقضي الاجازه في حاجات كتيره

فعلي الرغم اني بحب النوم بس مش للدرجه اللي تخليني انام طول النهار

وكمان انا بحب النت وخصوصا هوايتي في تنزيل الاناشيد الاسلاميه

وكمان عنخرج بقي مع زمايلي براحتي من غير مااكون شاغل بالي بهم المذاكره

وكمان لازم ازور اقاربي

واروح بقي البحر والعب رياضه وحاجات كتير والله

بس اجمد حاجه اننا خلاص مفيش كتب مفيش محاضرات مفيش صحيان بدري

مفيش ضغط مفيش اكتئاب ويارب ربنا يكملها علي خير والنتيجه تكون كويسه

كلام جميل جدا جدا ويارب تقضوا اجازه سعيده وتكمل فرحتنا بنتيجه مشرفه علي اد تعبنا ومجهودنا والضغط اللي كنا فيه قولوا امين ..

وبجد منورنا يادكتور احمد واهلا بيك ف منتدانا المتواضع وانا اتفق معاك ان النوم احلي حاجه ف الدنيا لكن حاول بردو تستمتع بأجازتك وترفه عن نفسك علي اد ماتقدر
والله الموفق .... لوووووول

السلام عليكم
الأجازة جميلة طبعا و علشان كدة هقضيها في كل حاجة بحبها زي القراءة والرسم واتعلم الحان جديدة بس اول حاجة هعملها اني انشاء الله هحفظ اجزاء كتيرة من القران الكريم ادعولي ربنا يوفقني Very Happy

بالنسبالى النوم اخر حاجة
لانى بستخصر انام فى الاجازة
هاديها فى الئراية طبعااااااااا واكيد فى الخروج مع اصحابى
كمان والاساسى هساعد اختى فى تجهيز بيتها عشان الفرح
عئبالكم كلكم

نامى براحتك يا لفلى دوك

وادلع براحتك يا ابو السعد

واقرى كتير يا ندا

ونام انت كمان يا احمد يا سلامه

واعمل كل حاجه نفسك فيها يا اسلام يا بروميس

وربنا يهديكى يا سن شاين وتختمى القران

والف مبروك يا ساره وعقبالك

فعلا يا جماعه الاجازه دى بتاعتكم واحلى حاجه ان كل واحد ماشى بدماغه
تعبنا كتير فى الدراسه وان الاوان ان كل واحد يمتع نفسه بالطريقه اللى تعجبه
لكن ولاء؟؟
مسمعناش رأيك انتى يعنى؟؟؟

الله الله علي الردود الجميله يامحمد بجد كنت مفتقده الروح الحلوه دي بسبب الامتحات والمذاكره وانشغال الجميع بس هتتعوض ان شاء الله

والله انا بحاول علي اد مااقدر استمتع بالاجازه واكيد طبعا المنتدي هيبقي ف المقام الاول عندي لقضاء اجازه جميله الي جانب بقي زيارات للاقارب اللي بقالي قرن ماشوفتهمش بسبب الدراسه والوقت المحدود
الي جانب بقي دار تحفيظ القران اللي هبدأ فيه من اول شهر 7 وطبعا القراءه عن علم النفس وكيفيه فهم والسيطره علي الذات وقصص بقي للكتاب اللي بموت فيهم وف اسلوبهم ..

يااااااااااه بجد وحشتني كل الحاجات دي وان شاء الله ربنا يكمل حلاوه وجمال الاجازه بنتيجه جميله ليا ولاصحابي ونكون كلنا مبسوطين وندخل السنه الجايه بقي ويبقي فاضل لنا سنه واحده ونتخرج بقي .. يااااااااااارب .... لووووول

انا عن نفسي مشاريعي كلها مؤجلة ومفيش اي خطط للاجازة لحد ما اشوف حاعمل ايه
لو فيها سفر وده يااااااااااااااااااااااااااااااااااااااااااااااااااااااااااارب يبقى حيكون فيه احلى صيف مع بابا وماما وصحابي واهلي اللي بقالي سنتين مشفتهمش وحاقضى احلى وقت
لو لا قدر الله معرفتش اسافر حاضطر مجبرة اقعد في مصر وساعتها اكيد مش حيكون صيف لذيذ خالص
بجد ادعولي اساااااااااااااااافر بجد...............ارجوكم

يارب تسافرى بلدك وتقعدى وسط أهلك
وترجعى لنا مصر تانى على بدايه الدراسه

يارب تسافري يا smsm وترجعي لاهلك واصحابك Twisted Evil

وتكون اجازه حلوه وسعيده عليكي يارب lol!

ميرسي يا ولاء ربنا يخليكي يارب
مشاعر جميلة اووووووووووووووووووووووووووووووي منك
ربنا يوفقنا كلنا